LEO NI ZAMU YA SIMBA, INAPAMBANA NA PRISONS KATIKA MECHI YA POINTI, MECHI YA KISASI

Ukisema leo ni zamu ya Simba itakuwa sahihi kabisa. Kwa kuwa inashuka dimbani pale Taifa jijini Dar, kucheza mechi ya Ligi Kuu Bara dhidi ya Prisons.

Prisons ni kati ya wababe wa Simba kwa kuwa ni kati ya timu mbili pekee zilizoifunga Simba msimu huu. Ilianza kwa kuifunga kwa bao 1-0 katika mechi ya mzunguko wa kwanza mjini Mbeya, halafu ikafungwa na Yanga mechi zote mbili, kila moja bao 2-0.

Hivyo Simba inaingia uwanjani leo kutaka kuimaliza Prisons kwa maana ya kupata pointi pia inataka kulipa kisasi cha kipigo.

Itakuwa ni mechi ngumu na ya presha ingawa kwa Simba, kikubwa inachotaka ni ushindi ili iongeze pointi zaidi na kujichimbia kileleni zaidi.

Ina pointi 51, inafuatiwa na Yanga yenye pointi 50 halafu Azam FC yenye 47. Hivyo ushindi wake utaifanya ijichimbie zaidi kileleni wakati Yanga na Azam watakaporejea watakuwa wanajivunia mechi zake za mkononi ambazo pia lazima wazifanyie kazi.