Bomoabomoa yasitishwa Dar es Salaam kwa nyumba 674

 MAHAKAMA ya Ardhi jijini Dar imesimamisha zoezi la bomoabomoa iliyowakumba wakazi maeneo ya mabondeni wa Wilaya ya Kinondoni baada ya wakazi hao kufikisha ombi hilo mahakamani hapo mapema wiki iliyopita.

Ombi hilo lilitokana na malalamiko ya wakazi wengi walioiomba mahakama izuie bomoabomoa hiyo kutokana na madai ya ukiukwaji wa haki zao ambapo wengi wa walalamikaji hao walidai kufidiwa kabla ya kuondoka.

Hata hivyo uamuzi huo wa mahakama umewagusa walalamikaji 674 tu ambao wametajwa kwenye malalamiko huku zoezi la bomoabomoa likiendelea kama kawaida kwa nyumba zingine ambazo hazihusiki na kesi hiyo.