Hamissa Mobetto na Ray C Ndani ya Bifu Zito

Msanii mkongwe wa muziki wa Bongo fleva Rehema Chalamila maarufu kama Ray C amejikuta katikati ya bifu zito na mzazi mwenza wa Diamond Platnumz, Hamisa Mobetto.

Sintofahamu hiyo Ilianza siku mbili nyuma baada ya Ray C kuzisema nguo aina ya ‘Fendi’ ni feki ambazo zimekuwa zikiuzwa sana na Hamisa ambaye ni mfanyabiashara ambapo Ray C alitoa kama maneno ya kejeli kuhusu nguo hizo ingawa hakutaja jina.

Basi Hamisa baada ya kuona kama Dongo lile katupiwa yeye basi moja kwa moja akaandika ujumbe ambao uliwakosoa watu ambao hawaonyeshi sapoti kwa biashara za wengine badala yake wanakuwa na wivu.

Baada ya sakata hilo na mashabiki wa Hamisa kumvamia Ray C basi aliweka wazi kuwa hakumtaja Hamisa jina kwa lile Dongo lakini baada ya kuona wanazidi ikabidi amvae Hamisa na kumsema kuhusu Zari na kudai yeye mwenyewe alimuumiza Zari kwa kitendo cha kuzaa na Diamond.

==

Venessa Mdee Mpaka Kumkubali Kimapenzi..Adai Haikuwa Kazi Raisi

MKALI wa Miondoko ya RnB Bongo, Juma Jux, amesema wakati anaanza kumsarandia kimapenzi staa mwenzake, Vanessa Mdee ‘V Money’ alihangaika sana na haikuwa kazi rahisi.
Jux alisema ili kuhakikisha anamweka mtoto Vanessa kwenye ‘line’, alianza kwa kuomba kidani cha mkononi.

“Siyo mchezo, nilizunguka kweli. Nilianzia kwa kuomba kidani, akawa haelewi somo, nikahangaika kweli lakini mwishoni nilifanikiwa na nipo naye hadi leo,” alisema Jux.

Baada ya Rich Mavoko Kukana Kutoka Kimapenzi na Gigy Money, Gigy Aanika Chat zao

Baada ya video queen Gigy Money kudai kuwa aliwahi kutoka kimapenzi na Rich Mavoko na baadae staa huyo wa wimbo ‘Pacha Wangu’ kukanusha, Gigy Money aweka wazi chati zao za WhatsApp.

Gigy Money, alipost instagram chat hizo na kila moja kuiandika ujumbe wake. Hata hivyo baade alizifuta post hizo.

“Mimi mwenyewe sikujui vilevile” aliandika Gigy.

“Ahahhahaha unajua mavoko ntakudhalilishaaa ….mm ni mkimyaaa tu sio Mpole ata kidogo …unajikuta umenisahau bwege ww” aliandika Gigy.

“Banduguuuuuu kujichubua kwako ndio nkuogope weeee Richard wewe umeombaaa watu wanipigie nisikutie aibu sasa unaletaaa utoto sina nachokipoteza kumbukaaa I don’t care��������” aliandika Gigy

Ugomvi wa Wema Sepetu na Idris..Lulu Michael Ahusishwa

Aliyekuwa Shabiki wa Wema Sepetu namba moja huko instagram na kiongozi wa Team Wema Amemwaga mchele kwenye kuku wengi baada ya kufunguka kuhusika kwa Lulu Michael kwenye ugomvi wa Wema Sepetu na Idriss mpaka kufikia kupigana kibuti...
Soma Alichoandika Instagram

"wemareplies @Regrann from @matikibokoyao - @idrissultan toka hizi mambo zote zimetokea umeona natia neno kwanza ni hivi sina team ila I still love @wemasepetu no matter what ila jua wewe ndio umempa @wemasepetu stress ndio hata hizo pic unazosema sijui insta mcongo nothing is going on baba ww sema unachokifanya sio vzr mmekoseana why msimalize mambo yenu huko private @wemasepetu na ww usijibu kitu maana saivi zigo limesha kuangukia mbaya ww kama usemavyo damu Ya kunguni kama mati hapa ila ulichokosea kupiga pic na mcongo hata kama ulikuwa unamrusha roho iddy umekosea tayari umesha onekana mbaya lakini behind ukweli ni kwamba ilikuwa hasira na stress la fumanizi kati Ya @elizabethmichaelofficial na @idrissultan tena fumanizi la asubuhi asubuhi mtu anatoka chumbani na kataulo ila daaah inauma sanaa kikubwa iddy maizeni mambo zenu huko private acheni utoto sema lulu nae kibokokabisaaaaa nyakunyaku  nichambeni lakini habari ndio hiyo " Matikibokoyao

Nay wa Mitego Ampa Pole Wema Sepetu Kwa Kupoteza Ujauzito!

Msanii wa muziki wa Hip Hop Nay wa Mitego amesema hakupenda ujauzito wa Wema Sepetu uharibike kama baadhi ya mashabiki wa Wema Sepetu wanavyodai katika mitandao ya kijamii.
nay new2

Rapa huyo kupitia wimbo wake “Shika Adabu Yako’ alimchana Wema ‘una mimba kweli, au ndio kiki za msimu?. Miezi tisa sio mingi, isije ikakugharimu” kauli ambayo ilitafsiriwa vibaya na mashabiki wa Wema.

Akizungumza katika kipindi cha Ubaoni cha EFM Jumatano hii, Nay alisema yeye hawezi mwombea mabaya Wema kwa kuwa anapenda sana watoto.

“Sijapenda ujauzito wa Wema uharibike kwani napenda watoto. Kama ilikuwa mimba kweli nampa pole sana dada yangu ila kama ilikuwa kiki imefika mwisho Kwani nilichoongea kwenye wimbo ilikuwa ni swali Je? Una mimba kweli au drama.,”alisema Nay.

Baraka Da Prince, ameajiri baunsa kwa ajili ya kumlinda mpenzi wake Nisha

Ili kuhakikisha hasalitiwi katika penzi lake jipya, mkali wa Bongo Fleva Baraka Da Prince, ameajiri baunsa kwa ajili ya kumlinda mpenzi wake Salma Jabu ‘Nisha’ popote anapokwenda.
Chanzo makini kililiambia gazeti hili kuwa Baraka amefanya hivyo kutokana na wivu uliopitiliza. Nisha alikiri kuwekewa baunsa ambaye ni ndugu wa mpenzi wake, hivyo kila anapokwenda lazima awepo kwa sababu anahofia kusalitiwa.
“Mpenzi wangu Baraka ana wivu sana na ameniwekea baunsa ambaye naenda naye kila sehemu ni mwanaume aliyekamilika, hana upungufu wowote na mimi sijali kuhusu skendo, haziniumizi kwa sababu tunaaminiana, najua hao ni marafiki wa kawaida tu,” alisema Nisha anayetesa na Filamu ya Kiboko Kabisa.

Wastara: Nakuja kivingine katika kazi zake za uigizaji

 

Msanii wa filamu Wastara Juma.

Na Gladness Mallya
MSANII wa filamu Wastara Juma ambaye hivi sasa anapata matibabu ya mguu wake nchini India, amedai akirejea nchini, atakuja kivingine katika kazi zake za uigizaji.
Akizungumza kwa njia ya simu akiwa huko, Wastara alisema anam shukuru Mungu kwani anaendelea vizuri na matibabu, lakini akawaahidi mashabiki wake vitu vipya kwani safari yake huko imemuo ngezea ubunifu.
“Yaani nikirudi Bongo naamini nitakuwa niko fiti na nitafanya makubwa kwa kutoa filamu kali zenye ubunifu mkubwa tofauti na zamani hivyo mashabiki wakae mkao wa kula,” alisema
Wastara.

Eti Mimba Ya Kajala Ya Diamond? Timu Wema washangaa

Na mwandishi wetu, Risasi Mchanganyiko
DAR ES SALAAM: Hee! Huu ni ubuyu mpyaaa! Mwigizaji Kajala Masanja amekiri kuwa ni mjamzito huku taarifa zikidai kuwa huenda mhusika wa kiumbe alichonacho ni staa nambari moja wa Bongo Fleva, Nasibu Abdul ‘Diamond Platnumz’, Risasi Mchanganyiko limeichimba habari kamili.
ISHU ILIVYOIBULIWA
Hivi karibuni, gazeti ndugu na hili la Risasi Jumamosi ndilo lilikuwa gazeti la kwanza kuripoti habari za madai kuwa Kajala ana ujauzito wa kigogo mmoja serikalini (jina tunalihifadhi) lakini mashosti wa karibu wa Kajala wameibuka na kudai kuna asilimia nyingi mimba aliyonayo ni ya Diamond na si kigogo huyo.
TUJIUNGE NA SHOSTI WA KAJALA
Akizungumza kwa sharti la kuomba hifadhi ya jina, rafiki mmoja wa Kajala alisema ana imani mimba hiyo itakuwa ni ya Diamond kwani kuna kipindi shosti yake huyo aliwahi kuanguka dhambini na staa huyo wa Bongo Fleva.“K (Kajala) kweli alikuwa na yule kigogo (anamtaja jina) lakini sasa waligombana.
DIAMOND ALIPITA?
“Wakiwa wamegombana, Diamond naye alipita si unajua tena zile za kumalizana leo leo tu, sasa nikijaribu kufanya mahesabu tangu Kajala aniambie ana mimba na tangu wagombane na kigogo, naona kabisa Diamond ndiye mwenye asilimia nyingi kuwa baba kijacho,” alisema rafiki huyo.
DIAMOND ANASEMAJE?
Gazeti hili lilifanya jitihada za kumtafuta Diamond ili aweze kuzungumzia kuhusishwa kwake na mimba hiyo, lakini simu yake iliita bila kupokelewa na hata alipotumiwa ujumbe mfupi, hakujibu.
TIMU WEMA WASHANGAA
Baadhi ya mashabiki wa Wema ambao walipenyezewa habari ya Diamond kutajwa kuwa mhusika, walimshangaa mwigizaji huyo kwani anazidi kujijengea sifa mbaya.
“Mh! Inashangaza kwa kweli kama ni kweli. Kajala huyohuyo si ndiyo alimuibia Wema yule CK sasa tena ambebee mimba Diamond ambaye alikuwa mpenzi wa Wema!” alisema mmoja wa mashabiki wa Wema.
KAJALA SASA
Gazeti hili lilifunga safari hadi kwa muigizaji huyo na kutaka kujua ukweli wake. Awali, mwanahabari wetu alitaka kujua kama ni kweli Kajala ni mjamzito, akafunguka:
“Ni kweli mimi ni mjamzito na tena ujauzito huu unanisumbua sana, si unajua tena mimi ni mwanamke na ninamshukuru Mungu kwa kunijaalia zawadi hiyo.”
NI MZIGO WA NANI?
Kuhusu mhusika hasa wa ujauzito huo, Kajala hakutaka kuweka wazi, badala yake alisema kila kitu kitakuwa wazi baada ya kiumbe kuzaliwa, wakati wowote mwaka huu.
“Subiri mtoto azaliwe mbona una presha sana? Kila kitu kitakuwa wazi mwaka huuhuu tu, kuwa mpole.”
Kwa nyakati tofauti, Kajala ametajwa kuhusishwa na wanaume kadhaa, akiwemo kigogo huyo wa serikali ambaye hata hivyo, alipoulizwa kama ndiye mhusika halali, alishindwa kukubali au kukataa, ingawa ‘data’ zinaonyesha kuwa wakati akinasa ujauzito huo, alikuwa katika mzozo mkubwa na kigogo huyo.
“Hamna kitu kama hicho, huyo mtu anatapatapa tu, mimi nilifanya naye (Kajala) tu shughuli za kikazi zilipoisha, kila mtu anaendelea na maisha yake, halafu hawa wasanii ni watu wa kuwa nao makini, wana mambo ya kuzusha na kuzushiana mambo ya ajabu kiasi ambacho wanaweza kukosa mambo mengi ya kikazi,” alisema kigogo huyo.

Jokate, Kiba wamwagana, Vikao vya kurejesha penzi vyakwama!

MUSA MATEJA, Risasi Jumamosi
Dar es Salaam: Hii ni habari ya kipekee (Exclusive Story)! Mastaa wawili wenye majina makubwa Bongo ambao walikuwa wachumba walioshibana, Jokate Urban Mwegelo ‘Kidoti’ na Ali Saleh Kiba ‘King Kiba’ wanadaiwa kumwagana, Risasi Jumamosi ndilo gazeti pekee linaloweza kuthubutu kukupa mchapo kamili.

Habari ya mjini kwa sasa ni juu ya wawili hao ambao walikuwa gumzo kwa watoto wa mjini, kwa kila mmoja kuchukua hamsini zake na kufanya yake tofauti na walivyokuwa awali huku chanzo cha kutengena kwao kikitajwa kuwa ni wazazi wa sehemu zote mbili kutoridhiana.
 
TUJIUNGE NA CHANZO
Kwa mujibu wa chanzo makini ambacho ni mtu wa karibu wa wawili hao, mbali na ishu ya wazazi, hivi karibuni Jokate na Kiba waliingia kwenye gogoro kubwa la kimapenzi baada ya kufumaniana kwenye simu, jambo ambalo limeendelea kutokea huku jamaa akiongoza kukutwa na meseji kwenye simu yake za mwanamke mmoja anayedaiwa kuishi nje ya Tanzania.
BOFYA HAPA KUSIKIA CHANZO
“Ukisema nikusimulie juu ya kumwagana kwa Jokate na Kiba basi tunaweza kukesha ila mbali na mambo ya wazazi, kwa kifupi tu ni kwamba, hawa watu wameingia kwenye mgogoro na kilichokuwa kikiwagombanisha mara nyingi ni uhusiano wao wa zamani.”
KIBA ANA DEMU?
“Mara kadhaa Jojo (Jokate) amekuwa akimlalamikia jamaa (Kiba) kuwa ana demu nje ya nchi ambaye amekuwa akimtundika katika mitandao ya jamii na kujinadi kuwa ndiye mkewe tofauti na wengi wanavyojua kuwa Jokate ndiye mtu wake.
“Mbali na hilo, sasa kuna suala la familia zao kuonesha hali ya kutokubaliana na wao kuoana hasa upande wa Jokate ambao ulionesha msimamo mkubwa kutomtaka hata kidogo Kiba, mambo hayo yamekuwa ni chagizo kubwa katika kuhatarisha mapenzi yao hivyo kufikia hatua hata ya wao kutoendelea kupendana kwa dhati kama ilivyokuwa mwanzo wa penzi lao.”
VIKAO VYAGONGA MWAMBA
“Tofauti na watu walivyozoea kuwaona pamoja, kwa sasa wametibuana na hapa tunapozungumza tayari kuna vikao kibao huko nyuma vilishakaa ili kunusuru penzi lao lakini imeshindikana maana kila mmoja sasa hivi anajifanyia mambo yake na hakuna dalili za kurudiana.
“Kiba anaonekana ameshajiingiza kwenye penzi la demu wake wa zamani huku Jokate naye akiwa ‘in love’ na mtu wake mwingine.”
MPANGO WA KUZAA WAYEYUKA
“Kitambo tu nimekuwa nikiwaambia kwa staili waliyokuwa nayo hakika wasingeoana hata kama ukiweka pembeni suala la dini zao kutoendana, maana kuna siku niliwasikia wakiambiana hata kama wazazi wakigoma wao wangefanya kila juhudi hata wazae pamoja tu.
“Lakini ukweli ni kwamba ilishindikana baada ya kuanza kugombana mara kwa mara, pamoja na kwamba Jokate alikuwa akikubalika kwa asilimia zote kwa mama Kiba na hata ndugu wengi wa Kiba walionekana kumpenda waziwazi,” kilisema chanzo hicho.
KIBA AFUNGUKA
Baada ya kupenyezewa mchongo huo, gazeti hili liliingia mzigoni kumtafuta Kiba ili atoe la moyoni juu ya madai hayo ya kumwagana na Jokate ambapo alipopatikana alisema kuwa haoni sababu ya kuzungumzia ishu hiyo kwani ni mambo binafsi.
“Kusema kweli ishu hii mimi sina uwezo wa kuiongelea zaidi kwa sasa kwani ni mambo binafsi sana na sioni faida ya kuzungumzia vitu ambavyo havina maana.
“Kwanza sioni nini cha kuongelea hapa kwani kila jambo lina mipaka yake,” alisema Kiba akikataa kuulizwa zaidi juu ya suala hilo.
JOKATE VIPI?
Kwa upande wa Jokate alipotafutwa kwa siku kadhaa ili azungumzie sakata hilo kwa ufasaha hakupokea simu ya mwandishi wetu hadi gazeti linaingia mitamboni.
PENZI LA JOKATE NA KIBA
Awali zilipovuja habari za penzi la Jokate na Kiba wote walikanusha, kadiri siku zilivyosonga ndivyo walivyozidi kuwa gumzo kwa mashabiki wao waliofurahishwa na ‘kapo’ yao huku wakionekana kwenye viwanja mbalimbali vya starehe wakiwa kimahaba lakini sasa mambo yanaonekana kwenda mrama.

Kidoa, Samatta wanaswa baada ya penzi kwa Diamond

Waandishi wetu, Ijumaa
DAR ES SALAAM: Baada ya hivi karibuni Video Queen Asha Salum ‘Kidoa’ kuibuka na kueleza kuwa, yuko tayari kufanya lolote ili awe na mwanamuziki Nasibu Abdul ‘Diamond’ kimapenzi, mdada huyo amenaswa tena juzikati akiwa na mwanasoka Mbwana Samatta hotelini.
Saa 5 usiku

Mishale ya saa 5.30 usiku, chanzo chetu kilichokuwa maeneo ya Hoteli ya Girrafe iliyopo Mbezi jijini Dar Jumapili iliyopita, kilitutonya kuwa kilikuwa kikiwaona wawili hao wakizama hotelini hapo bila kujulikana kilichowapeleka.
“Ee bwana nipo hapa Girrafe Hoteli, ila naomba nisijulikane kama nimewapa taarifa, ni hivi muda mrefu nimemuona Mbwana Samatta na yule mrembo mwenye makalio makubwa sijui anaitwa Kidoo….
Ijumaa: Siyo Kidoo, anaitwa Kidoa.
Chanzo: Ndiyo, huyo huyo.
Ijumaa: Endelea…

Chanzo: Ndiyo nawaona wako katika eneo la restaurant (hotelini), kama ni habari kwenu njooni mtawakuta.
Ijumaa: Wako katika mazingira gani?
Chanzo: Naomba kama mnahitaji habari mje tu usiniulize maswali mengi maana nitashitukiwa, wahini kabla hawajaondoka.
Ijumaa: Oke, poa tunakuja
Baada ya kupata taarifa hiyo, waandishi wetu walichukua usafiri wao wa pikipiki ziendazo kasi na kuanza safari ya kuelekea Mbezi.
Wakati paparazi wetu wakielekea eneo la tukio, simu ya mmoja wao ikaita, alikuwa yule sosi wa habari hiyo.
Chanzo: Mbona mnachelewa? Naona wanainuka kama wanataka kuondoka hivi. Wanaonekana kuwa wenye furaha sana. Naona wanapiga picha, Kidoa anamsogelea. Kwa kifupi wanafanya yao.
Ijumaa: Hebu wafotoe picha hata kwa kamera ya simu yako.
Chanzo: Sawa, ngoja nijaribu kufanya hivyo.
Saa 6 usiku

Mishale ya saa sita usiku, paparazi wetu wakawa wamefika hotelini hapo na kukuta wawili hao wakiingia kwenye gari aina ya Toyota Mark X nyeusi kisha kuondoka zao kuelekea kusikojulikana.
Wenyewe wanasemaje?
Jitihada za kuwasaka mastaa hao zilifanyika ambapo Samatta hakuweza kupatikana kupitia simu yake ya mkononi lakini Kidoa alipopatikana alikiri kufika hotelini hapo kwa mazungumzo ya kawaida na mwanasoka huyo aliyejipatia umaarufu mkubwa.
“Ni kweli tulienda pale, hakukuwa na chochote zaidi ya mazungumzo ya kawaida tu na tuliishia restaurant tu, hakuna lolote. Yule najuana naye muda mrefu mbona, msidhani nampapatikia kwa sababu ya tuzo aliyopata,” alisema Kidoa.
Hivi karibuni, Samatta aliitoa kimasomaso Tanzania baada ya kushinda tuzo ya Mwanasoka Bora wa Afrika kwa wachezaji wanaocheza ligi za ndani, iliyofanyika nchini Nigeria na kuweka historia ya kuwa Mbongo wa kwanza kupata heshima.
CHANZO: GPL

Kisa Cha Rais Aliyekatwa Masikio...!

Ndugu zangu,
Wakati mwingine kuna tunaojisahau, kuwa umri wetu umetusadia, sio tu kusoma habari za bara letu hili la Afrika na kwingineko, bali, tukiwa shule za msingi tumepata kusikia na hata kusoma habari zilizoshtusha na kubaki katika historia. Ndio , tumeshuhudia vioja pia.
Na mara nyingi Afrika husikika habari zenye kuhusiana na hazina na kilichomo kwenye hazina.
Na hiyo ndio Afrika yetu; " Ex Africa simper aliquid novi". Maana yake: "Kila kukicha kitazuka kioja kingine Afrika. Alipata kutamka Ptolemy, mwanafalsafa wa Kiyunani.
Ndio, swali kubwa Afrika ni namna gani ya kufaidika na kilichomo kwenye hazina na si namna gani ya kuongeza kilichomo kwenye hazina. Afrika mtu au kikundi cha watu wanaweza kufanya lolote lile ilimradi walifikie sanduku la hazina. Na mara nyingi mipango ya watu hao huishia hapo, huwa hawana mipango mingine kwa nchi iliyo mbele ya sanduku la hazina.
Naam, Afrika walio walio chini kabisa hawatakiwi kujua kilichomo kwenye hazina bila hizini !
Na kuna viongozi Afrika wanapenda yote; madaraka na pesa.
Kuna kisa cha Rais aliyekatwa masikio katika kugombania na wenzake, ni akina akina Prince Johnsson na Charles Taylor. Ugomvi wenyewe? Ni juu ya kilichomo kwenye hazina; mhusika mkuu ni Sajenti Samuel Doe wa Liberia.
Alfajiri ya Aprili 12, 1980, kikundi kidogo cha wanajeshi 17 kilijipenyeza ndani ya makazi ya Rais jijini Monrovia. Ikulu walimkuta Rais William Tolberts bado amelala. Wakamwua. Aliyeongoza kikundi hicho alikuwa askari kijana na wa cheo cha chini; Sajenti Samuel Doe.
Na inasemwa, kuwa Doe alipoingia Ikulu na wenzake alidhani watakwenda kumlalamikia Rais juu ya mishahara midogo ya askari wa vyeo vya chini. Lakini, jinsi walivyoikuta Ikulu ikiwa nyepesi vile, ndivyo mipango ilipobadilika na kufanya maamuzi ya kumwua Rais mwenyewe , na hivyo, kuchukua madaraka.
Naam, Samuel Doe alikuwa askari ambaye hata madarasa manne ya shule ya msingi hakuyamaliza. Alitoka kabila dogo la waishio misituni. Kabila la Krahn. Ni watu wa kabila kama lake, masikini na ambao ndio waliotoka vijijini na kukimbilia jijini Monrovia kutafuta vibarua na pesa. Kwa wenye bahati, kama Samuel Doe, walionekana mitaani na kuitwa kujiunga na Jeshi.
Vinginevyo, wengi wa vijana hawa hawakuwa na cha kufanya mijini. Hawakuwa na kazi. Na idadi yao iliongezeka. Na si Monrovia tu, ni katika miji mingine ya Afrika. Hali hiyo imeendelea hata leo hii. Na sasa hali ni mbaya zaidi.
Tangu siku ya kwanza, Afrika kijana anayeingia mjini na kuishi bila kazi hugeuka kuwa bayaye. Ndivyo walivyokuwa wakijulikana katika nchi ya Uganda. Na miji mingi ya Afrika ya sasa imefurika ma-bayaye. Ni jeshi la wasio na kazi- ni bomu linalosubiri wakati kulipuka.
Sajenti Samuel Doe naye alikuwa bayaye, ni kama ilivyokuwa kwa Idi Amin wa Uganda. Na kama ilivyokuwa kwa Idi Amin, Urais ulimdondokea tu Samuel Doe- kama vile mtu aliyeshinda bahati nasibu.
Ujio wa Samuel Doe uliwafanya WaLiberia waamini kuwepo kwa mabadiliko. Kuondokana na utawala wa kifisadi na kirasimu wa William Tolberts.
Samuel Doe akajitangaza kuwa Rais. Haraka sana akawatwanga risasi mawaziri wote wa Tollberts. Ni kwenye pwani ya bahari huku wananchi wakitazama kama mechi ya mpira.
Sajenti Samuel Doe akatawala kwa kipindi cha miaka kumi. Nchi ikawa kama imesimama.
Sajenti Samuel Doe alibaki madarakani Liberia kwa miaka kumi. Nchi ilikuwa kama imesimama vile. Sehemu kubwa ya nchi haikuwa na umeme. Maduka mengi hayakuwa na bidhaa.
Doe mwenyewe alinusurika majaribio takribani 34 ya kutaka kumwua. Na wote waliojaribu kumwua wakashindwa waliishia kupigwa risasi.
Kwamba alinusurika majaribio 35 ikasemwa kuwa Sajenti Samuel Doe alikuwa akilindwa na ’ nguvu’ za kishirikina. Na Doe mwenyewe alikuwa akitamba hadharani kuwa ni ’ mjanja’ kwenye mambo hayo.
Kimsingi Samuel Doe aliingia Ikulu lakini hakujua afanye nini kama Rais.
Na kwa vile Doe alikuwa na sura ya kitoto alipenda sana kuvaa miwani ya jua ya mviringo ili aonekane ’ siriaz’ fulani. Na kwa vile cheo cha sajenti ni cheo cha chini sana jeshini, Samuel Doe akajipa cheo cha ' 'Master Seargent'
Vinginevyo, Sajenti Samuel Doe alikuwa Rais mvivu sana. Muda mwingi aliutumia akiwa Ikulu akicheza bao na wasaidizi wake. Na mara nyingine alionekana kwenye bustani ya Ikulu akipunga hewa huku wake zake wakimpikia chakula kwenye moto wa kuni kwenye majiko ya mafiga . Alipenda chakula kipikwe kama ilivyokuwa kijijini kwao alikokulia.
Kwa vile Sajenti Samuel Doe alishawaua watu wengi, naye akawa ni mwenye mashaka sana. Alihofia wengine kulipiza kisasi juu yake. Hakujua hasa cha kufanya. Hakuwaamini watu wasio wa karibu yake na hususan watu wa kabila lake, krahn.
Watu wengi wa kabila lake walikusanyika jijini Monrovia na walionekana ghafla, kuwa ndio wenye fursa zaidi kutoka kwenye hali ya umasikini mkubwa. Hao ndio watu ambao Samuel Doe aliweza kujumuika nao na aliwasaidia.
Na watu wa kabila la Samuel Doe waliogopewa na makabila mengine. Waliweza kufanya lolote lile na hakuna aliyewagusa. Waliua na waliwatisha wengine. Wengi wasio wa kabila la Doe waliishi kwa hofu kubwa.
Na kile ambacho kila mtu, asiye wa kabila la doe, alikuwa anakisubiri, ni kushuhudia mwisho wa Sajenti Samuel Doe.
Na hapa akatokea Charles Taylor. Huyu alikuwa rafiki wa zamani wa Sajenti Samuel Doe.
Lakini, urafiki wao ulikufa pale Samuel Doe alipodai kuwa Charles Taylor alimtapeli Doe dola milioni moja. Kisha Taylor akatorokea Marekani. Huko akaanza kufanya biashara kwa mtaji wa fedha alizomtapeli Sajenti Samuel Doe.
Charles Taylor nae akaishia gerezani nchini Marekani kwa mashtaka ya utapeli. Lakini, akatoroka jela na kukimbilia Ivory Coast. Na akiwa Ivory Coast, Charles Taylor akaanza kujipanga kwenda kuuangusha utawala wa Sajenti Samuel Doe.
Ndugu zangu, ngoja na leo niishie hapa....

Mbwa Kumtafuna Mbwa Mwenzake...!

Ndugu zangu,
Kwenye falsafa tunaambiwa, kuwa unapoletewa jambo kuna matatu ya kuyaangalia na kuyazingatia: Udadisi wa uhalisia wa jambo lenyewe (Reasoning), Mantiki ( Logic) na Ulinganishi wa nadharia ( Metafisiki)
Hivyo basi, unapokutana na mtu mzima mwenzako akakwambia, kuwa alipokuwa akitembea jana usiku, njiani alimwona mbwa akimtafuna mbwa mwenzake, basi, unachopaswa kufanya ni kutulia na kutafakari.
Yumkini usiku huo mtu huyo alikuwa akitoka kwenye kilabu cha pombe, na kwenye ulevi wake, paka aliyemwona akigombana na paka mwenzake, kwake ilikuwa ni mbwa anayemtafuna mbwa mwenzake! Tafakari.
Ni Neno Fupi La Usiku.
Maggid

Wolper akiri kujipendekeza kwa Diamond, Zari

BAADA ya kupata wakati mgumu wa kushambuliwa na maneno kila akiweka picha mtandaoni ya Diamond ama Zari, staa wa filamu Bongo, Jacqueline Walper ‘Wolper’ ameweka wazi kwa kuwajibu, haoni tatizo kujipendekeza kwa hao watu.

Akichezesha taya na Amani, Wolper alisema kuwa, ilifika kipindi katika ukurasa wake wa Instagram watu wengi walikuwa wakimshambulia kwa maneno na kufikia hadi hatua ya kumtukana.

“Kiukweli mimi ni binadamu, nashangaa ukiweka picha ya mtu ooh, anajipendekeza ni sawa najipendekeza ndiyo na wala siyo uongo lakini kuna mtu ambaye inamuhusu?” Alihoji Wolper.

Wema Sepetu huku akiwa mjamzito atumbua Mil.300 ni za mbunge maarufu!

WEMA Sepetu ‘Madam’ ni mashine ya kutafuna fedha! Ndivyo unavyoweza kusema kufuatia habari za mjini kumtaja staa huyo wa Bongo Movies kuwa ameteketeza takriban Sh. Mil. 300 za mbunge ambaye anadaiwa kuwa ndiye anayemweka mjini kwa sasa, Risasi Mchanganyiko limenasa ubuyu kamili.

KUMBUKUMBU MUHIMU
Wema na mbunge huyo (jina kapuni kwa sasa) wanadaiwa kuwa walianzisha uhusiano wa kimapenzi wakati wa kampeni za uchaguzi mkuu uliofanyika Oktoba 25, mwaka jana ambao matokeo yake yalimpa ushindi Dk. John Pombe Magufuli wa Chama Cha Mapinduzi (CCM) kuwa Rais wa Awamu ya Tano ya Jamhuri ya Muungano wa Tanzania.Inadaiwa uhusiano huo tayari umezaa matunda kwani mlimbwende huyo ni mjamzito.
 
TUJIUNGE NA CHANZO
Kwa mujibu wa chanzo makini, mara baada ya mrembo huyo asiyechuja Bongo kuwa ‘klozi’ na mbunge huyo kijana mwenye pesa ndefu katika kampeni hadi sasa, amemchuna mbunge huyo kiasi hicho cha fedha kwa ajili ya matumizi na zawadi mbalimbali alizomnunulia.
RANGE MIL 200
“Mbunge alimpa ahadi tu akimaliza kampeni anampa zawadi ya Range Rover yenye thamani ya shilingi milioni 200, ilikuwa maalum kwa ajili ya bethidei yake maana hakuweza kufanya sherehe hiyo iliyomuangukia akiwa kwenye kampeni. Alipomaliza tu, mtoto wa kike akapewa ndinga yake japo alificha kwa kusema amejizawadia mwenyewe.

SHOPPING USIPIME!
“Yaani Wema akiwa ndani ya kampeni alikuwa halali hoteli za kimaskini, hizo shopping ndiyo usiseme. Kipindi kile cha kampeni shopping moja tu ya viatu, cheni, gauni na mazagazaga mengine ilikuwa si chini ya milioni mbili au tatu hivi. Kafanya nyingi tu za aina hiyo.

“Sasa achana na hizo, kwenye sherehe za Krismasi, Boxing Day na Mwaka Mpya nasikia katekeketeza milioni 25 kwa mavazi na mazagamazaga aliyopika kula yeye na marafiki zake wa karibu pamoja na ndugu zake, mbunge kasimamia shoo bila wasiwasi wowote,” kilisema chanzo hicho.

KUKAA HOTELI DAR
Chanzo hicho kilizidi kumwaga ubuyu kuwa, baada ya kumaliza kampeni, Wema alirejea jijini Dar lakini kutokana na hali yake alimwambia mbunge amlipie hoteli kwani hakujisikia kuendelea kuishi pale Kijitonyama alipokuwa anaishi.

ATEKETEZA MIL. 40
“Yaani huwezi amini pale hotelini (jina lipo) aliteketeza kitu kama shilingi milioni 40 hivi kwa kupanga na kula kwa zaidi ya siku 15. Mbunge hapo alikunjuka tu bila wasi maana fedha kwake si tatizo.

NYUMBA MIL. 12
“Baada ya kuona mmiliki wa nyumba ya Kijitonyama amemtaka Wema kuhama katika nyumba yake, kigogo akaona isiwe tabu, akampangia nyumba nyingine kali zaidi maeneo ya Ununio jijini Dar kwa shilingi milioni 12 kwa mwaka mzima.

MISELE YA MAFUTA, STAREHE MIL. 23
“Wema muoneni hivihivi tu, mtu wake anayemsimamia kaniambia kwa kuweka mafuta kwenye gari, tangu mwezi wa 11 mwaka jana alipoanza kulitumia lile Range, kateketeza shilingi milioni na kama haitoshi, ametumia shilingi milioni 13 kwa ajili ya mitoko ya usiku kuwapa watu watunze na yeye kutunza wanamuziki mbalimbali katika bendi ukijumlisha na vinywaji na vyakula,” kiliweka nukta chanzo hicho.

NI REKODI YA AINA YAKE
Akizungumzia matumizi hayo ya fedha, mmoja wa mastaa wakubwa ambaye aliomba hifadhi ya jina, alisema kwa matumizi hayo makubwa aliyoyafanya Wema ndani ya miezi kadhaa ni dhahiri kwamba ndiye staa wa kwanza wa kike kutumia fedha nyingi ndani ya muda mfupi.

“Wewe fikiria tunasikia kina Lulu, Kajala na wengineo wamepangiwa nyumba lakini husikii kama kuna gharama nyingine kubwa kama Range, mafuta, shopping, kupanga hoteli ambazo kwa ujumla wake zinafikia shilingi milioni 300,” alisema staa huyo.

MBUNGE ASAKWA
Jitihada za kumpata mbunge huyo machachari aliyekuwa akitema cheche mara kwa mara kwa viongozi wa vyama vya upinzani, hazikuzaa matunda lakini rafiki yake wa karibu alikiri kuwa mbunge huyo amemwaga fedha nyingi kwa Wema.

“Daah jamaa (mbunge) kafa kaoza hizo milioni 300 mbona kidogo ni zaidi ya hizo, wewe unafikiri tangu kipindi cha kampeni hadi leo na matumizi ya Wema yanayohusisha na wapambe wake ni mchezo?” alisema rafiki huyo.

WEMA ANASEMAJE?
Alipotafutwa Wema ili kuzungumzia matanuzi hayo simu yake iliita bila kupokelewa licha ya kutumiwa ujumbe mfupi, bado hakujibu.

Shilole Aporomosha Matusi Hewani Akihojiwa Redioni Baada ya Kuulizwa Kuhusu Kuachana na Nuhu Mziwanda..Mashabiki Wadai Amefanyiwa Interview Akiwa Mlevi

MWIGIZAJI na mwanamuziki wa kizazi kipya Zuwena Mohamed ‘Shilole’ amemzingua Dj Tass mtangazaji wa kipindi cha Kwetu Fleva baada ya kushusha matusi hewani akihojiwa na mtangazaji huyo na kumfanya aombe msamaha kwa wasikilizaji kwa kutamka Sorry for That mara mia.

Tass alikatiza matangazo baada ya Shilole kuulizwa swali kuhusu mpenzi wake Shilole ambaye ametangaza kutengena naye hivi karibuni Mziwanda ambaye alitamba naye kwa muda mrefu na hata msanii huyu wa kiume kujichora picha ya Shilole mwilini mwake.

“Wapenzi wa kipindi cha Kwetu Fleva nawaomba radhi kwa kilichotokea Shilole waombe msamaha, na nimekukanya mara ngapi? Nitakuzingua upo hewani unatukana una maananisha nini? Sorry for that, sorry for that,”anasema Dj Tass.

Baada ya kuagana na Shilole wapenzi wa kipindi hicho wamelaumu Dj Tass kwa kumleta Shilole akiwa kalewa studio na kuharibu interview , msanii huyu alikuwa akimponda sana Nuhu Mziwanda akimtangaza msanii kutoka Uganda E Kenzo kama mchumba wake mpya kwa sasa

Kidoa amtangazia vita Zari...Afanya kila njia amnase Diamond

Video Queen maarufu Bongo, Asha Salum ‘Kidoa’ amemtangazia vita mpenzi wa Mwanamuziki Nasibu Abdul ‘Diamond’, Zarinah Hassan ‘Zari’ akidai atafanya kila njia amnase msanii huyo.

Rafiki wa karibu wa Kidoa aliyeomba jina lake lisiandikwe gazetini alidai kuwa, Kidoa alikuwa akimpenda sana Diamond hata kabla ya kuwa na Zari ndiyo maana ana ndoto za kuwa naye.

“Kidoa anamzimia sana Diamond, achilia mbali kumpenda kutokana na kazi yake ya muziki lakini pia kimapenzi, maana kuna wakati anakosa raha kabisa anapowaona Zari na Diamond wakiwa kimahaba,” anadai mtoa habari huyo.

Katika kujua ukweli wa habari hii, mwandishi wetu alimtafuta Kidoa ambapo bila kuficha alianika hisia zake kwa kusema: “Kiukweli nampenda sana, najua Zari hawezi kujisikia vizuri kusikia maneno haya lakini ndiyo hivyo na niko tayari kwa lolote…

“Nilipotangazwa kuwa msanii mwenye mvuto kwa mwaka 2015, kama ilivyokuwa kwa Wema mwaka 2013, nilijiona mwenye vigezo vya kuwa naye, si yeye ni sukari ya warembo? Na mimi napenda sukari.”

Hivi karibuni Kidoa na Diamond walikutana ndani ya Ukumbi wa Dar Live na kufanikiwa kuongea, kupiga picha na kubadilisha namba za simu, jambo lililotafsiriwa na wadaku kuwa, Zari akilemaa, ameliwa.

Wema Sepetu awajibu kwa video wanaosema amepokonywa Gari

Mbunge ampa Wema Sepetu Ujauzito...Wema furaha tupu!

MJINI bwana! Habari nyingi huanzia kwenye mikeka, siku hizi wenyewe wamezimebatiza jina la ‘Ubuyu’ ambapo kwa sasa ishu kubwa inayozagaa mitaani ni mwigizaji Wema Sepetu ‘Madam’ kupachikwa mimba na mbunge maarufu wa Chama Cha Mapinduzi (CCM) wa Bunge la 11 (jina kapuni kwa sasa), vyanzo vinasema.

Pitapita ya sikio la Gazeti la Ijumaa katika Jiji la Dar es Salaam, hivi karibuni ilikutana na Ubuyu huo kuwa mwigizaji huyo amenasa ujauzito wa mwanasiasa huyo ambaye ni kijana mwenye utajiri mkubwa anayetajwa kwa sasa kumiliki vilivyo penzi la Madam.


KUMBUKUMBU KABLA YA HABARI
Kwa muda mrefu, Wema amekuwa akihaha kusaka mtoto baada ya kupitia kwenye uhusiano na wanaume tofauti akiwemo Yusuph Jumbe, Steven Kanumba (marehemu), Nasibu Abdul ‘Diamond’ na CK (yule kigogo).

Akiwa kwenye uhusiano wa kimapenzi na wanaume hao kwa hesabu yake na nyakati tofauti, mara kadhaa msanii huyo maarufu amekuwa akikebehemiwa na mahasimu wake kuwa ni mgumba jambo ambalo limekuwa likimhuzunisha.

HABARI KAMILI
Ijumaa baada ya kuzinasa habari za ujauzito wa msanii huyo, lilijongea kwenye vyanzo vyake na kukutana na ushuhuda huu kutoka kwa rafiki wa karibu wa Wema ukisema: “Suala la mimba sijui lakini Wema na mheshimiwa wana uhusiano.

“Ukaribu wao ulianza wakati wa kampeni za uchaguzi mkuu (Wema alikuwa akimnadi mgombea urais wa CCM, John Magufuli), mpaka leo wanaendelea.”

MIMBA KABAAH!
Baada ya chanzo cha karibu na Wema kutoboa mfereji wa uhusiano na kuliacha suala la ujauzito kwenye sintofahamu, wachapakazi wa Ijumaa waligeuza masikio yao upande wa mheshimiwa mbunge ili kupata ubuyu mwingine ambapo suala la mimba lilitajwa waziwazi.

“Sitaki kunukuliwa ila mimi nimemsikia mheshimiwa akidokeza kuwa Wema ni mjamzito, kwangu mimi kama rafiki yake naona ni jambo jema, hiyo ndiyo kazi ya mwanaume kaka...hahahahaha!” Mmoja kati ya marafiki wa mbunge huyo alisema na kumalizia kwa kicheko.

WEMA NA MBUNGE FULL KICHEKO
Inaelezwa na vyanzo vyetu kuwa baada Wema na mbunge huyo kuwa wazazi watarajiwa wote kwa pamoja wamekuwa na furaha ya aina yake huku kila mmoja akimsisitiza mwenzake kuwa makini ili upepo mbaya usipite kati yao.

Aidha, katika hali inayoashiria kuwepo kwa kitu cha tofauti kwa msanii huyo aliyepata kuwa Miss Tanzania 2006, hivi karibuni aliandika kwenye akaunti ya Instagram kuwa anayo sapraizi ya nguvu kwa mashabiki wake.

Baadhi ya wadau wa masuala ya burudani wamehusisha sapraizi aliyoitangaza Wema na habari za ujauzito wake unaotarajiwa kumaliza kejeli juu yake kuwa yeye ni sawa na mti usiozaa kwamba hauna thamani.

MBUNGE NI TAJIRI MKUBWA
Mbali na umaarufu wa mbunge huyo timu ya Ijumaa ilijiridhisha kuwa mwanasiasa huyo ni tajiri anayemiliki migodi ya madini na kufanya biashara mbalimbali zikiwemo za usafirishaji mizigo na abiria anazofanya kupitia magari yake.

Kutokana na utajiri huo, habari zinadai kuwa mbunge huyo ndiye anayempa jeuri ya fedha Wema ambayo inamfanya aishi maisha ya ‘nyodo’ kama wasemavyo watoto wa mjini.

WEMA, MBUNGE WATAFUTWA
Katika kukamilisha weledi wa habari, gazeti hili lilimtafuta mbunge huyo kwa njia ya simu ili azungumzie ishu hiyo lakini hakuweza kupatikana hewani jambo ambalo limechangia kwa kiasi kikubwa jina lake kuhifadhiwa.

Kwa upande wa Wema naye hakuweza kupatikana kwa namba zake za simu sambamba na ile ambayo chanzo chetu kilisema ni mpya jambo linaloifanya habari hii kuwa na mwendelezo baada ya kujiridhisha kwa kupata kauli za pande zote mbili.

AUNT ANENA
Kama haitoshi gazeti hili lilimtafuta shosti wake wa karibu na Wema, Aunt Ezekiel ili naye afunguke kidogo juu ya madai ya ujazito wa rafiki yake ambapo mahojiano yalikuwa hivi:

Ijumaa: Mambo anti’ake?
Aunt: Safi cha umbea wangu, nipe mpya.
Ijumaa: Naona shosti yako Wema karudi ili umpe mafunzo ya kulea mimba, mpe hongera zake, kushika mimba ya mbunge si jambo dogo.

Aunt: Kwani kakuambia yeye mwenyewe? Kwanza niko naye hapa, anasema simu zako amekuwa anaziona lakini hataki kupokea.
Baada ya mazungumzo hayo ilisikika sauti ya Wema ikisema: “Tena mwambie ni ya miezi 6, tatizo nini?”
CHANZO: GAZETI LA IJUMAA

Diamond Platinumz akacha shoo ya zari.

Habari ya mjini! Nasibu Abdul ‘Diamond Platnumz’ amezua utata kwa mashabiki wake baada ya kukacha kuzama kwenye pati iliyokuwa imeandaliwa na mzazi mwenzake, Zarinah Hassan ‘Zari The Boss Lady’.
Tukio hilo lilijiri mwishoni mwa wiki iliyopita katika Ukumbi wa Guvnor jijini Kampala, Uganda ambapo wawili hao walikwenda pamoja kwa lengo la kushirikiana kwenye makamuzi ya shoo ya pati hiyo iliyokwenda kwa jina la Zari All White Ciroc Party.
 
Ilielezwa kwamba, tofauti na matarajio ya wengi, Diamond hakuonekana ukumbini badala yake aliyekuwa mume wa Zari, Ivan Ssemwanga akawa anajitanua ukumbini humo akiwa na rafiki zake huku Pedeshee Jack Pemba wa Bongo akigandana na Zari muda mwingi.
Baada ya kumwagiwa ‘ubuyu’, Ijumaa Wikienda kama kawaida yake lilimtafuta Diamond kwa lengo la kutaka kujua kilichomkwamisha kwenda kwenye makamuzi ya mzazi mwenzake huyo ambapo alisema alishindwa kuhudhuria baada ya promota wake kumzuia kwenda ‘kumkampani’ Zari akihofia kuzorotesha makamuzi yake yaliyopangwa kufanyika siku iliyofuata kwenye Viwanja vya Lugogo Cricket Oval jijini Kampala.
 
“Nilikuwa na hamu mno ya kumpa kampani mama Tiffah lakini nilizuiwa na promota wangu kuhofia kama ningeonekana ukumbini basi ningeweza kumvurugia shoo yake maana aliniambia nisionekane kabisa, nadhani tageti yake ilikuwa ni kuhakikisha watu wananishuhudia siku ya shoo yangu tu,” alisema Diamond.
Kufuatia kukosekana kwa Diamond kwenye pati hiyo, watu walijikuta wakinong’ona ukumbini wakitaka kumuona kwani walishajua kuwa yupo jijini Kampala.

Aunty Ezekiel : Mdogo wa Cookie anakuja soon!!

STAA maarufu wa fi lamu Bongo, Aunty Ezekiel amefungua kinywa chake na kusema STAA maarufu wa fi lamu Bongo, Aunty Ezekiel  kuwa kwa sasa yuko kwenye mchakato wa kumtafuta mdogo wake na Cookie kwa kuwa hataki kukaa muda mrefu ili kwa kuwa hataki kukaa muda kupata mtoto mwingine.
 
Akizungumza na mwandishi wa habari hii hivi karibuni  Aunty,alisema kuwa ameamua kufanya hivyo kwa ameamua kufanya hivyo kwa kuwa anaona kuzaa mapema na kumaliza ndiyo poa ili aweze kuendelea na kazi zake vizuri kuliko kukaa muda mrefu halafu ndiyo ubebe ujauzito
tena. “Sasa hivi mimi na baba Cookie tumeshaamua kufanya maamuzi mazuri kabisa ya kuongeza mtoto mwingine maana tumeona kwanza ndiyo furaha yetu